Ginpaboran it Gabriela women’s organization ro hagna nga ginaduso makaron ni Senator Robin Padilla partikular ro Divorce bill.
Suno kay regional chairperson Lucy Francisco nga sanda ro orihinal nga nagduso it kaparehong hagna partikular ro Divorce bill Philippine style bangud nga ro Pilipinas eamang ro nasyon nga uwa it nasambit nga laye.
Sa reyalidad sigon it pagpangabuhi it mag-asawa hay bukon it tanan nagamadinaeag-on matapos nga makasae bangud nga ro iba hay nauli sa sakitan ag bukon eon it eowas nga mag-iba ro mga raya.
Para mataw-an it proteksyon ro kada isaea hay kinahang-ean ro divorce bill agud nga mawad-an it bisa ro andang kasae ag kon makaangkon ro mga raya it panibag-ong partner hay hilway sanda nga makapakasae it uman.
Natyempo eon man suno kay Francisco para aprubahan ro ginaduso nga divorce law sa Pilipinas bangud nga ro naga-eksister nga annulment hay mahaba nga proseso ag masyadong magastos.
