Nagapadayon hasta makaron nga adlaw ro special recruitment activity it Public Employment Service Office ukon PESO Aklan sa mga gusto nga magtrabaho sa cruise ship.
Suno kay Marsh Bernabe, manager it PESO Aklan nga kapin sa 8,000 ka mga aplikante ro nagpadueong sa trade hall it Aklan provincial capitol agud nga mag-apply sa ginatanyag nga trabaho it Magsaysay Maritime Corporation.
Overwhelming suno kay Bernabe ro numero it mga aplikante kon siin makit-an sa hitsura it mga raya ro kalipay sa oras nga makapasar sa screening, interview ag maanunsyo nga sanda hay makasueod eon it trabaho.
Ginpahayag dugang nga raya ro unang kahigayunan nga nakaangkon it special recruitment ro nasambit nga manning agency sa Aklan sa pakikipag-angot man sa provincial government.
May kaangtanan kara, nagpanawagan pa si Bernabe sa mga gustong magtrabaho sa cruise ship nga maassign sa kitchen hay libre ro mga raya nga mag-adto sa venue ag magdaea it application letter kamana man iba pang nagapangunang dokumento.
Samtang sa pihak nga parte, eubus nga ginpasaeamatan ni Michael Kasten, head it nasambit nga cruise line ro provincial government bangud sa pagbaton kanda nga ro tuyo eamang hay mataw-an it trabaho ro mga Aklanon.
Prayoridad it mga raya ro may eksperyensya sa kusina bangud nga raya ro andang magiging trabaho sa pagsampa sa cruise ship.
