Ginaduso it pilang ka mga mamalidha nga igapasaka sa 21-anyos ro edad it legal sa pagbakae it aeak ag pagabawaean ro persons with disabilities nga makabae it makahieilong nga ieimnom.
Gindihon nanday Benguet Reps. Eric Yap at Davao City Rep. Paolo Duterte ro House Bill No. 1753 nga nagatuyo nga mabaeawan ro mga bukon it kwalipikadong indibidwal nga makabakae it alcoholic beverages ag matigayon nga mapunggan ro mga PWD’s nga magbakae it aeak para sa mga raya.
Sa idaeom it nasambit nga proposisyon , ro mga bukon it kwalipikado nga makabakae it aeak hay ro mga edad nga mas manaba sa 21-anyos kamana man ro mga edad 21 pasaka nga indi kayang maalagaan ukon maprotektahan ro andang sarili maghalin sa pang-abuso, neglect, peligro, exploitation ukon discriminasyon bangud sa physical ukon mental disability.
Nakabaehag man sa nasambit nga proposisyon nga ro mga bukon it kwalipikadong indibidwal nga magaeabag sa unang kahigayunan hay igapaidaeom sa counseling sa Barangay Council for the Protection of Children (BCPC).
Ro mga madakpan nga naga-eabag sa nasambit nga proposisyon hay pagapaidaeoman it nagkaigo nga penalidad nga may kapin sa P50,000 nga multa ag pagkakueong it tatlong buean.
Sandig sa ginpaguwa nga 2021 survey maghalin sa DOH, kapin sa 40.1% it mga Pilipino ro nalistang naga-inom it makahieilong nga aeak.
