Indi maganaba sa 23 nga katawo ro napatay sa Thailand matapos nga magpanaeasa ro mabaskog nga uean ag pagbaha sa pilang mga probinsya, eakip eon ro kapital nga Bangkok, suno sa mga otoridad.
Nahalitan man it pagbaha ro Suvarnabhumi Airport, ro nagapangunang airport it Thailand. Bangud kara, maabu nga mga flights ro na-delay ag linibo nga mga bagahe ro owa nabiyahe.
Ginaboeobanta nga 5,600 nga mga bagahe ro nabilin sa airport bangud sa problema sa operasyon ag transportasyon.
Ginbuhinan man it Thai Airways ro pilang mga flights bangud maabu nga mga empleyado ro indi maka-agto sa trabaho.
Samtang, ginpahayag it mga otoridad nga amat-amat nga naganaba ro lebel it tubi sa pilang mga lugar. Apang, posibleng magbuhay it pilang adlaw antes nga eubusan nga maghubas ro tubi-baha sa manaba nga mga lugar.
Nagtaeana man ro gobyerno it 4 bilyones baht para sa insigida nga bulig sa mga apektado it baha.
