KALIBO, Aklan—Ginrekomenda ni sangguniang bayan member Ronald Marte nga makaangkon it barangay development plan ro mga opisyal sa bilog nga banwa it Kalibo para sa dag-on 2023.
Raya hay kasunod it ginpatigayon nga hinun-anon it liga ng mga barangay kun sa siin imbitado si SB member Marte bilang dating presidente it nasambit nga grupo.
Gusto sigon ni Marte nga matutukan it kada barangay ro andang drainage system ag water ways agud nga malikawan ro mga pagbaha-baha.
Sa pihak nga parte, uman nga ginapabuksan ni SB member Marte ro naga-eksister nga ordinansa angot sa pag-require sa kada establisimento komersiyal sa banwa it Kalibo nga makaangkon it close circuit television ukon CCTV camera.
Tuyo kara nga masayuran kon ginapatuman raya it tama ukon naga-gana.
Raya hay kasunod it natabu nga brutal nga pagpatay sa sangka branch manager-reliever it RD pawn shop kun sa siin nadiskubre nga may CCTV matuod apang owa naga-function.
