SHOWBIZ News —Na-disqualify sa pageant bangud sa anang height si Miss Philippines Earth 2022 candidate Michele Angela Okol nga taga Del Carmen, Surigao del Norte.
Sa Instagram post it kandidata, gin-anunsyo kara nga indi eon nana mapursige ro anang kaugalingon nga maabot ro anang handum sa kabuhi nga maging sangka beauty queen.
Ginpahayag ni Michele nga nagtinguha imaw kaibahan ro anang pamilya ag team agud nga matipon ro mga materials nga kinahangeanon sa nasambit nga pageant apang nabalewala tanan bangud sa anang height.
Dugang pa it kandidata, owa nakasueod sa standard it pageant ro anang height ag posible sigon nga ma-bash ro Miss Philippines Earth Organization kun pagapasugtan nga makasueod ro mga gustong magpasakop nga manaba ro height sa 5’4.
Ginpamilit pa it kandidata nga owa sanda naabisuhan ag nasukat it temprano rason nga owa eagi nanda nasayuran kun sa siin, preparado eon kunta imaw para sa online ag face to face nga kumpetisyon.
Sa pihak kara, ginpasaeamatan sa gihapon ni Michele ro nasambit nga organisasyon sa kahigayunan nga gintau kana.
