Ginpaboran it plenaryo sa ginpatigayon nga session it Sangguniang panlalawigan it Aklan ro apela ni first district board member Mark Vega Quimpo nga makaangkon it regular nga deployment it Department of Foreign Affairs ukon DFA nga magproseso it pasaporte iya sa probinsya it Aklan.
Ro proposisyon ni Quimpo hay tuyo kara nga masabat ro kinahang-eanon it mga Aklanon nga gustong magbueo it pasaporte nga mas pinaeapit ag accessible para kanda.
Engkaso sigon nga makaangkon it regular nga deployment ro DFA sa Aklan hay inde eon malisdan ro mga Aklanon nga magpa-appointment sa syudad it Iloilo ag maghueat it mahaba nga pila para sa andang transaction.
Apang, kinahang-ean pa nga ayuson it husto ro ginbaeay nga resolusyon para sa iba pang mekanismo kon nagakinahang-ean pa raya it Memorandum of Agreement sa tunga nanda it DFA ag ro ibang mga dapat nga himuon para pormal nga maplansta ro nasambit nga proposisyon.
