KALIBO, Aklan–Balik eon sa normal ro pagpangabuhi it mga pumueoyo sa Singapore.
Raya hay matapos nga bue-on eon it gobyero ro haeos tanan nga restrictions ag buksan ro mga negosyo.
Suno kay Bombo International Correspondent Mercy Cacan nga owa eon sanda it ginapatuman nga lockdown kamana man nga bukon eon it mandatoryo ro pagsuksok it face mask kung magguwa it baeay.
Sa makaron hay padayun gihapon sanda nga nakakalista it mga kaso it COVID-19 apang kaeabanan sa mga pasyente hay mild symptoms eamang ro ginabatyag.
Dugang pa kara nga owa eon sanda nagapatigayun it contact tracing sa mga nakasalamuha it mga nagpositibo.
Raya eamang nga dominggo kat i-anunsyo it gobyerno ro plano nga pagpanupod it tig napueo ka mga antigen test kit sa kada panimaeay.
