Plano makaron it Municipal Economic Enterprise Development Office ukon MEEDO it lokal nga gobyerno it Kalibo nga i-activate it uman ro inter-agency task force on public safety and peace on order.
Raya hay kasunod sa mga ginareklamo nga illegal vendors sa Kalibo public market.
Suno kay Mary Gay Joel, head it MEEDO Kalibo nga naipaabot eon ro concern it mga tagreklamong negosyante sa market supervisor nga si Mr. Abel Policarpio agud nga insigida raya nga mausisaan.
Ko nagtaliwan nga pandemya sigon hay gintaw-an it konsiderasyon ro tanan agud nga maskin papaano hay may kita ro mga raya.
Apang, sa makaron hay kinahang-ean eon sanda nga usisaon bangud sa reklamo it mga lehitimong vendor sa merkado publiko.
May kaangtanan kara, nagpatigayon it inspeksyon ro market supervisor ag nakataeana nandang talakayon it uman ro problema kaatubang ro alkalde it banwa nga si mayor Juris Sucro.
