Good news eon man sa mga motorista!
Matapos ro tatlong sunud-sunod nga domingo nga rollback sa presyo it produktong petrolyo, uman nga pagabawasan ro oil prices hin-aga nga adlaw it martes.
Suno kay Department of Energy Oil Industry Management Bureau Director Rino Abad, sa pagtantiya it world market hay uman nga mabawasan ro presyo it langis.
May mga indikasyon sigon nga makaangkon it hasta piso nga rollback sa diesel, haeos pisong bawas man sa kada litro it kerosene samtang posible man nga owa it paghueag sa presyo it gasolina.
Ginpamilit ni Abad nga may daywang ginatan-aw nga rason sa pagnaba it presyo sa world market, kun sa siin kaibahan kara ro intermittent lockdown sa China nga nagresulta sa manabang demand it fuel.
Dugang pa nga posible man nga nakaapekto rod ere-deretso nga pagtaas it interest sa nagkaeain-eain nga central banks sa kalibutan .
