Nagkagulo sa sangka chess tournament sa Moscow, Russia kat maging bayolente ro chess-playing robot ag nahasakit kara ro anang kahampang nga 9-anyos nga ungang eaeaki.
Viral makaron sa mga social media platforms ro video kun sa siin makita ro sangka chess playing robot nga ginbo-oe ro tudlo it kahampang nga unga .
Makita sa atong video nga tatlong arbiter ukon referee ro nag-eowas sa unga ag nagbulig nga boe-on ro tudlo it unga halin sa pagbo-oe kara it robot.
Bangud sa pagdakma it robot, nakaangkon it fracture sa tudlo ro unga.
Suno sa presidente it Moscow Chess Federation nga si Sergey Lazarev, nag-malfunction ro robot bangud sa software error ag nagtaeang-taeang raya bangud nga madasig nga maghueag ro alima it unga nga kahampang.
Bangud nga gustong tapuson it unga nga na-injured ro tournament, uman raya nga naghampang it masunod nga adlaw.
Apang bangud nga indi kara magamit ro anang tuo nga alima, may mga volunteers nga nagbulig kana agud nga maghampang .
