Masobra 1,000 displaced workers ro gintaw-an it trabaho sa idaeom it DOLE assistance program kasunod it magnitude 7 nga linog nga nabatyagan sa Abra suno sa Department of Labor and Employment Region 1.
Ginpahayag ni DOLE-Region 1 Regional Director Evelyn Ramos nga may mga profile eon sanda nga mga magatrabaho para sa TUPAD (Tulong Panghanapbuhay sa Ating Disadvantaged/Displaced Workers) para magbulig sa paglimpyo ag pagboue it mga debris.
Kaabuan sigon sa mga apektadong empleyado hay maghalin sa Candon ag Vigan, Ilocos Sur.
Dugang pa kara nga ro nasambit nga clean-up drive hay magadaegan sa sueod it 15 adlaw, kung siin ro mga empleyado hay magabaton it suweldo nga P5,500.
Kapin sa 350 TUPAD workers man ro nagbulig sa paglimpyo ag minor repair it mga eskwelahan sa La Union ag Ilocos Norte.
Sa pihak nga parte, suno pa kay Ramos nga haum man ro DOLE regional office nga magbulig sa mga empleyado nga nakaka-eksperyensya it mental stress ukon trauma maghalin sa linog.
