Uman nga nagbalik ro pagtaas it numero it mga tinamaan it coronavirus disease ukon covid-19 sa nasyon it Italy.
Suno kay Bombo International Correspondent Girlie Ongoco, naireport suno kana sa Rome, Italy ro pagsirit it kaso it covid sa mga ospital rason nga uman nga nagpadumdom ro andang gobyerno nga magsunod sa health protocols.
Sa pihak kara, bukas ro tanan nga negosyo maging ro border it Italya para sa mga turista.
Pag-abot suno kana sa transportasyon hay uman nga ginmando ro pagsuksok it facemask agud nga malikawan nga magsigidas ro pagsirit it pandemya bangud nga nakarekober eon ro ekonomiya it nasyon.
Samtang sa pihak nga parte, zero case eon sa pandemya ro Macau, China kasunod sa pagtinguha it andang gobyerno nga matapna ro pagkalhit kara sa mga residente ag sa mga overseas Filipino workers.
Suno kay Bombo International Correspondent Emily Delos Santos, nagpondo eon ro mandatory swab testing it gobyerno sa mga makabatyag it sintomas sa baylo, ginapa isolate eon lang ro mga raya sa andang panimaeay kamana man sa ospital agud nga insigidang mabueong ro andang masakit.
Posible suno kana nga magabukas it uman ro eskwelahan ag mga negosyo nga ginlockdown bangud sa maayos eon nga sitwasyon sa nasambit nga rehiyon.
