Nakaabot eon sa Taiwan si US House Speaker Nancy Pelosi.
Raya hay sa pihak it pagpaandam it China nga sanda hay magabaeos engkaso nga madayon ro biyahe.
Ginakabig raya nga unang pagbisita it US House Speaker sa Taiwan matapos ro 25 nga dag-on.
Suno sa sangka opisyal it Taiwan nga magatinir it sang gabi-e si Pelosi sa nasyon.
Apang suno man kay Pelosi nga magapatigayon raya it pagpueong sa pilang opisyal it Taiwan para pabaskugon pa ro relasyon it daywang nasyon.
Ro pagbisita ni Pelosi sa Taiwan hay owa nakalista sa itinerary kara sa pagbisita sa Asya apang ro pagbisita kara hay pilang dominggo eon nga ginatalakay it mga US officials.
Madumduman nga nagpaandam ro China nga maka-angkon it negatibong impact ro pagbisita ni Pelosi sa Taiwan ag dapat nga respetuhon it US ro One-China Policy.
Sa pihak kara, nagakabaeaka sigon ro China nga basi maimpluwensiyahan it US ro Taiwan.
