Pagasugtan it South Korean defense ministry ro K-pop sensation nga BTS nga magpatigayon it mga concerts samtang sanda hay nagapaidaeom sa mandatory military service.
Suno kay Defense Minister Lee Jong-sup ,nga sangka global stars ro K-pop group rason nga pagasugtan sandang magpatigayon it mga concerts.
Pwede sigon magamit ro pagiging sikat it grupo para maipromote ro interest it mga tawo sa pagsueod sa military service.
Ginataw-an sigon it exemptions maghalin sa military services sa nasambit nga nasyon ro mga elite athletes kapareho it mga Olympic medalists ag mga classical musicals apang bukon ro mga pop stars.
Sa makaron eamang sigon nga kahigayunan nanda pagataw-an it exemptions ro BTS bangud sa nagadaea ro grupo it bilyong dolyar sa South Korea bangud sa andang kasikatan.
Samtang, nakabaehag man sa laye it South Korea ro mga kaeaeakihan nga may edad 30 hay dapat magpaidaeom sa mandatory military service.
