Bangud nga tag-uean eon man, dapat hay mag-dahan kita sa sakit nga leptospirosis.
Raya hay sangka bacterial infection nga nabobo-oe halin sa ihi it mga sapat nga apektado it leptospirosis.
Ro ihi nga may daeang leptospirosis hay pwedeng mabuhi ag magbuhay sa eugta ag tubi it pilang domingo hasta it pilang buean.
Maabu nga sapat ro may daea it bacteria nga leptospira kapareho it baka, baboy, kabayo, ayam, eanggam ag iba pang wild animals.
Ro mga sintomas it leptospirosis hay ro mataas nga eagnat; sakit it ueo; gina-eamig ag ginakunyag; nagapaeanakit nga muscles; pagsuka; jaundice ukon pagdueaw it panit ag mata; mapueang mata; pagsakit it tiyan; diarrhea ag rashes.
Agud nga malikawan ro leptospirosis, likawan nga magpaligos ag mag-ubog sa tubi baha, maggamit it proteksyon kapareho it bota ag gloves kon nagabuyot ukon naga-ubog sa tubi baha, boe-on ro mga posibleng tubi nga kontaminado it ihi nga may leptospira ag siguraduhon nga owa it eanggam sa inyong baeay ag palibot.
Kun makaexperiensiya it mga sintomas nga namitlang sa sueod it daywang adlaw ag ikaw hay nag-ubog sa tubi baha , magpakonsulta eon sa doktor .
