-- ADVERTISEMENT --
NATIONAL News —- Nagapabilin nga eowas ro kapin sa 200,000 nga Pilipino sa Taiwan sa pihak it ginapatigayon nga military exercises it China.
Ginpasiguro ni Manila Economic Cultural Office (MECO) Chairman Silvestre “Bebot” Bello, III nga hugut nga nakabantay ro gobyerno it Pilipinas sa sitwasyon, partikular sa kamaeayran it mga OFW.
Suno kay Bello, kato pa nakapahaum ro MECO, Department of Labor and Employment (DOLE) ag iba pang sanga it gobyerno it Pilipinas engkaso nga mag-grabe ro pagpamigos it China sa Taiwan.
Sa kamatuoran sigon hay may contingency plan eon ro Philippine government, eabi eon ro Taiwanese government maging ro tanan nga mga kinahangeanon it mga Pinoy hay nakaplastar kapareho it mga pagkaon, tubi ag iba pa.
