Gindeklara nga dead on arrival eon nga gindaea sa Provincial Hospital ro sangka menor de edad nga babaye kahapon, adlaw it Sabado.
Sangka 16-anyos nga babaye ag residente it Sitio Angeles Kinalangay Viejo sa banwa it Malinao ro ginapatihan nga naeumos samtang naga paligos sa sangka suba sa nasambit nga lugar.
Suno sa nakakita nga daywang menor de edad man nga ginasugid nga maga-agi eamang kunta sa nasambit nga lugar tag masapwan nga nagakaeumos eon ro biktima.
Insigidas nga nagpangayo it bulig ro daywa ag gilayon nga ginrespondehan it MDRRMO-Malinao.
Samtang,nasayuran nga pirme man nga naga paligos ro biktima sa lugar ag bukon man it kadaeuman ro nasambit nga suba.
Sa makaron padayon ro ginapatigayon nga imbestigasyon it Malinao PNP angot sa nasambit nga insidente.
