Padayun ro panawagan sa mga mamalidha nga unahon ro ginaproponer nga laye nga nagatuyo nga obrahon nga legal ro mga motorcycle taxi.
Mag-eowas nga makatau it trabaho, makabulig pa sigon sa mga commuters sa tunga it sitwasyon sa transportasyon.
Nauna eon nga nagpromisa ro mga motorcycle taxi nga magatau it kinahangeanon nga supply it mga opsyon sa pampublikong saeakyan sa oras nga may klaru nga kakueangan bangud ro pilang mga operator ag driver hay nagdesisyon nga magpundo sa pagmaneho bangud sa serye it mabahoe nga pagtaas it presyo it langis.
Makabig nga makabulig ro nasambit nga proposisyon sa job generation program it gobyerno nga indi magagastos it maskin anu samtang ginapaeapad ro tax base.
Kun magiging maayos ro kabilugan ukon ro legalisasyon it motorcycle taxi, ro mga trabahador nga naga-commute hay maka-abot sa andang mga lugar it trabaho it mas madasig, libu-libong riders ro makaangkon it trabaho ag ro gobyerno hay magabaton it mga buwis halin sa nasambit tanan nga mga transaksyon.
Ro ginahinyu eamang naton, engkaso nga maging laye raya hay maging disiplinado ag responsable ro tanan nga mga riders.
Kabuhi it angkas ro ginatugyan katon ag raya hay bukon it hinangae.
Dapat eamang nga mahatud naton sanda it maayos ag eowas.
