Kasunod it nagahilapit nga pagbukas it klase sa Agosto 22 kon siin ginaeauman nga magiging masako it uman ro mga nagapangunang daeanon sa probinsya it Aklan, sigidas makaron ro repair and maintenance it Department of Public Works and Highways ukon DPWH.
Suno kay Engr. Joey Ureta, maintenance head it DPWH nga nagapadayon ro andang patching of path holes sa aspaltong mga karsada nga passable sa tanan nga klase it behikulo.
Makabig suno kana nga repetition activity ro pagtabon sa mga buho-buho it karsada eabi eon makaron nga tinguean hay matrabaho ro pagrepair sa aspaltong karsada.
Tuyo kara nga maging eowas sa mga travelers ag motorista ro andang ginaagyan nga karsada.
Obligasyon suno kay Engr. Ureta it DPWH nga mapabiling maayos ro mga daeanon apang nakadepende man sigon raya sa available nga resources ag allocation funds sa andang ahensya.
