Nasayuran naton tanan nga ro pagkaon hay importante para sa ikamayad nga eawas.
May ginahambae nga “Let food be thy medicine, and medicine be thy food”.
Apang pila katon hay nagatipid ag ginatingob eon lang ro andang pamahaw ag lunch ukon ilabas rason nga nauso ro brunch.
Suno sa Nutritionist Dietician it DOST-FNRI, importante ro breakfast bangud nga halin sa mahabang pagtueog hay gina-break kara ro fasting period.
Ro pagkaon sigon it pamahaw hay nagatau it energy para may magamit nga kabaskog sa activities nga paga-obrahon sa bilog nga adlaw.
Ro mga pagkaon hay gina convert bilang nutrients nga kinahangean it atong eawas.
Kon busog mas alerto ag mas aktibo.
Owa sigon it best breakfast basta ro importante hay masunod ro Go, Grow, ag Glow Foods.
Ro barato ag masustansiyang halimbawa it pamahaw hay sangka pritong itlog, steam rice, ag saging.
Ginpaathag nana nga ro itlog hay good source it protina, samtang ro humay hay source it energy, apang likawan sigon ro sinanlag ukon fried rice.
