Maabung bagay ro nagatuga it wrinkles.
Ro aton nga panit hay himo sa sangka matibay nga putos ukon keratin nga owa ginasueod it tubi.
Sa idaeum it panit hay may collagen, elastin fibers, nerves ag may madamoe nga layer it tambok.
Ro pag-edad hay indi malikawan.
Apang may una nga mahimo agud nga magnami ro kutis
Ginalaygay it mga eksperto nga indi magbuead sa adlaw.
Ro adlaw hay nagapakurinot it pant, nagatuga it freckles ag posibleng magka-skin cancer pa bangud sa UV light.
Magpanilong sa grabeng init it adlaw umpisa alas 10:00 it agahon hasta alas-4 it hapon.
Maggamit it sunblock nga may gina angkon nga SPF 15 ukon 30.
Magpundo sa pagpanigarilyo ag pag-inom it aeak.
Ro pagpanigarilyo hay nagapagueang bangud nga nababawasan ro daeagan it dugo sa panit.
Ro aeak man hay nagatuga it wrinkles bangud nga magahina ro inyong resistensiya ag magabagsak ro eawas.
Mag-inom it waeong baso it tubi adlaw adlaw agud nga magapabilin nga mahumok ro panit.
Magkaon it daywang tasang prutas ag daywang tasang tinuea adlaw adlaw.
Bugana raya sa vitamins A, C, E ag biotin nga ginakabig nga anti-oxidants.
Maglikaw sa mga pagkaon nga matambok, mamantika ag sitsirya.
Magbawas sa stress, ag maging masinadyahon.
Matuod ro ginahambae nga maghibayag agud nga ikaw hay maggwapa.
