Nakalista eon ro Pilipinas it daywang ka dugang kaso it monkeypox suno sa Department of Health.
Bangud kara, nagsaka eon sa tatlo ro kabilugang numero it mga kaso.
Ro mga bag-ong kaso hay nag-edad 34 ag 29, may travel history sa mga nasyong may kumpirmadong kaso it monkeypox.
Nagpositibo sanda sa monkeypox ko nagtaliwan nga Agosto 18 ag Agosto 19.
Ginpahayag it health officer-in-charge it DOH nga si Maria Rosario Vergeire nga pagatigayunon eon ro contact tracing.
Madumduman nga nauna eon nga gin-anunsyo it Pilipinas ro unang kaso it monkeypox ko Hulyo 29, nga ginakaeakutan it sangka Pinoy nga traveler nga bumalik maghalin sa sangka nasyon nga may nalistang impeksyon sa monkeypox.
Umpisa kato hay nagmayad man ro pasyente samtang 10 katawo nga maeapit nga contact hay owa nagpakita it ano man nga sintomas ag natapos ro isolation ko Agosto 16.
