Nakataeanang igasumite it Department of Budget and Management (DBM) sa kamara ro National Expenditure Program (NEP) para sa dag-on 2023 ukon ro proposed national budget sa maabot nga Lunes, Agosto 22.
Base sa abiso it kamara, pagapangunahan ni DBM Secretary Amenah Pangandaman ro pagpasa it NEP kay House Speaker Martin Romualdez alas-10 it agahon nga pagasundan it presentasyon it DBM angot sa kaundan kara sa Lunes.
Nauna eon nga ginpahayag nga kapin sa 5.268-trillion pesos ro proposed budget para sa masunod nga dag-on nga imaw ro kauna-unahang national budget sa idaeum it Marcos administration.
Samtang, nauna eon nga ginpasiguro it mga lider it manabang kapueungan ro maayos ag madasig nga pag-apruba sa 2023 national budget sandig sa timeline nga gintaeana kara .
