Target it Department of Social Welfare and Development (DSWD) nga maitaas pa sa P1 billion ro pondo para sa igapanupod nga educational financial assistance para mas maabo pang mga indigent student ro mabuligan.
Raya hay bangud eon man sa owa ginaeauman nga pagbuhos it mga indigent nga mga estudayante ukon it mga ginikanan sa mga taeatapan it DSWD para magbuoe it financual assistance.
Suno kay DSWD Erwin Tulfo, nakita sigon ro maabo nga mga Pilipino ro nagakalisod ag naga kinahangean it bulig bangud eon man sigon sa daeang epekto it COVID-19 pandemic rason nga plano it ahensiya nga dugangan pa it P500 million ro pondo para sa Assistance for Individuals in Crisis Situations.
Samtang kapin sa P154 million ro nataw-an it educational aid sa bilog nga nasyon.
Sa pihak nga parte, ginsiguro man it sekretaryo ro pag-recalibrate it stratehiya para mas maayos nga maipanupod ro nasambit nga aid kaibahan ro mga DSWD regional directors ag Department of Interior and Local Government
