Nakahaum eon ro masobra P800 million nga haega it standby funds para sa mga apektado it severe Tropical Storm Florita.
Suno kay National Disaster Risk Reduction and Management Council (NDRRMC) spokesperson Mark Timbal, nagpatawag sanda it pagpueong antes ro paglandfall it bagyo kaibahan ro local government units ag national government agencies bilang pagpahaum.
Sa makaron, may kapin sa 480,000 units it family food packs ro available para sa deployment sa mga apektado it tropical storm.
Ginmanduan eon man it NDRRMC ro LGUs ag national agencies para imonitor ro sitwasyon sa mga lugar nga apektado it inagyan it linog partikular eon sa Northern Luzon bangud sa posibleng landslides.
Nagpaandam man ro mga disaster managers ag LGUs nga magpatigayon it insigidas nga evacuation activities ag magpatigayon it inventory it relief items nga kinahangean.
