Umabot eon sa kabilugang 1,344 pamilya ukon 4,646 indibidwal ro apektado it nagpaeanasa nga severe tropical storm Florita based sa latest report it National Disaster Risk Reduction and Management Council (NDRRMC)
Sambilog sa pinakaapektadong probinsiya ro Cagayan kung siin umabot sa 8.6 metro ro taas it tubi-baha sa Barangay Tupang Bangkero sa banwa itAlcala.
Suno sa NDRRMC, kapin sa 311 pamilya ukon 956 indibidwal ro temporaryong nagtinir sa 19 nga evacuation centers sa bilog nga nasyon.
Kapin sa 190 pamilya ukon 390 indibidwal hay mga residente it Aparri-, Baggao, Gattaran, Gonzaga, Iguig ag Lal-lo sa Cagayan.
Ginpahayag man it NDRRMC nga owa it nalista nga casualty sa makaron bangud sa bagyo apang may tatlong residente maghalin sa Cagayan ro naka-angkon it minor injuries bangud sa mga natumbang puno.
