Nakataeanang pagatalakayon it European Union military training mission para sa Ukrainian forces ag ro panawagan it pilang miyembro nga visa bansa sa Russians sa igatigayon nga pagpueong it mga defense ag foreign ministers it EU sa Prague makarong dominggo.
Bukon pa it plastar kung siin igapatigayon ro EU training program, ag kung ano ro maging mandato kara apang suno kay EU foreign policy and security chief, Josep Borrell raya hay indi pagpatigayunon sa Ukraine kundi sa karatig nga nasyon.
Ro Czech nga presenteng nagabuyot it EU’s rotating presidency hay ginaduso ro EU-wide ban sa visas para sa mga turistang Ruso nga ginasuportahan man it Baltic countries.
Samtang, ro germany ag ro ibang miyembro it estado ag ni Borrell hay ginbaeabagan ro nasambit nga tikang ag gin-insister nga posibleng maeabag kara ro laye it EU ag pagbaeabag sa mga ruta para sa mga Russian dissidents.
