Good news sa mga motorista, matapos ro daywang magkasunod nga bigtime oil price increase sa kada litro it produktong petrolyo, makagoeginhawa it sangkiri matapos nga nagpatuman it pagbawas sa presyo sa kada litro it langis makaron nga adlaw it Martes.
Suno sa pilang kumpaniya it langis, naga-abot sa P3 hasta P3.30 ro bawas sa sukot sa kada litro it gasolina.
Nagahampang man sa P1.70 hasta P2 ro naging bawas-presyo sa kada litro it diesel samtang kapin sa P1.60 hasta P1.90 man ro naging bawas sa sukot sa kada litro it kerosene.
Nauna eon nga ginpahayag ni Department of Energy (DOE) oil Industry Management Bureau Dir. Rino Abad, posible pang magbag-o ro presyo it langis bangud sa nagapadayun nga lockdown sa China ag pabag-o-bag-ong presyo kara sa International market tuga man it bakbakan sa tunga it Russia ag Ukraine.
