-- ADVERTISEMENT --
KALIBO, Aklan–Nagapabilin pa gihapon nga mataas ro presyo it asukar sa mga merkado publiko.
Raya hay sa pihak nga nakaangkon it sangkiri nga pagnaba sa presyo kara.
Suno kay Betty Robelo, sugar vendor sa Kalibo Public Market nga owa pa sanda it ideya kung hin-uno posibleng magnaba ro presyo it asukar.
Nagapati man raya nga mabahoe ro posibilidad nga magnaba ro presyo kara kung pagasuportahan it gobyerno ro lokal nga produksyon it asukar sa nasyon.
Samtang, posible sigon nga indi eon makabalik sa dating presyo ro asukar maskin nga mag-umpisa eon ro harvest ag milling season.
-- ADVERTISEMENT --
Nauna eon nga ginpahayag it Department of Agriculture (DA) nga maga-import ro gobyerno it 150,000 metric tons it asukar para mapun-an ro ginasugid nga kakueangan sa suplay.
