KALIBO, Aklan—Bangud sa epekto it global warming, ulihi eon sigon ro tanan agud nga mapugngan pa ro pagkatunaw it mga yelo sa North Pole eabi eon ro mga nahamtang sa Greenland.
Suno kay Bombo International Correspondent Greg Aguilar it California, USA nga ro nasambit nga glaciers ro nagaserbing proteksyon it mga tawo sa init.
Haeos 85% it Greenland hay natabunan it yelo.
Maskin suno kana ro mga eksperto hay nagakabaeaka bangud nga raya ro kauna-unahan nga kahigayunan nga naka witness sanda it global melt ukon pagtunaw it yelo.
Bangud sa dere-deretso nga pagkatunaw it yelo sa nasambit nga lugar, nagpaandam ro mga expert nga posibleng sa masunod nga mga dekada hay mas pang magataas ro sea level sa bilog nga kalibutan.
Makabig sigon raya nga delikado partikular sa mga island nations nga may posibilidad nga mapaea sa mapa.
Kaibahan sa mga raya ro Kiribati.
Magatuga man raya it mga pagbaha ag mga mabaskog nga bagyo kamana man ro maeain nga epekto sa pananum engkaso nga makaangkon it grabeng tag-init ukon tigbaeagtik.
Maduea-an man kara it ilistaran ro mga wildlife species kapareho it polar bears.
Samtang, nagabueuligan sigon makaron ro mga gamhanan nga nasyon sa pagpanguna it amerika agud nga matapna ro global warming.
Bangud sa industrial revolution, nagataas ro temperatura it carbon dioxide ag iba pang greeghouse gas emissions.
