Negatibo sa kontrabando ag drug testing ro mga persons deprive of liberty ukon PDL kamana man ro mga empleyado it Bureau of Jail Management and Penology ukon BJMP Aklan sa ginpatigayon nga greyhound inspection sa nasambit nga pasilidad.
Suno kay Jail Inspector Rolien Malolos, quarterly nga ginahimo ro nasambit nga aktibidad halin kat may ginpapanaog nga memorandum halin sa national headquarters.
Mag-eows kara, may mga surprise visitation nga ginapatigayon ro mga opisyales para mausisa ro trabaho it mga empleyado sa ginadumaeahan nga pasilidad.
Ginpahayag dugang nga maskin sa mga nauna eon nga aktibidad hay negatibo ro BJMP sa kontrabando ag padayon nga ginapatuman ro hugot nga sueondanan sa sueod it pasilidad.
Sa makaron suno kana hay nagapabilin ro non-contact visitation bilang paghaeong sa ikaayong eawas it mga inmates.
