Ginpakigbahin it sangka abogado ag dating politician ro anang naging eksperyensya sa tyempo it Martial Law nga gindeklara ni dating pangueong Ferdinand Marcos Sr.
Suno kay Atty. Harry Sucgang, ro naging katuyuan kara ni Marcos hay para mapabilin imaw sa pwesto kon siin nagbuhay it kapin sa 20 anyos ro anang pagpamuno sa nasyon antes nga ginkontra imaw it ana man mismong mga kaalyado rason nga nagtuhaw ro rebellion.
Ginpahayag dugang ni Atty. Sucgang nga maabong mga bagay ro ginhimo it anang administrasyon nga inde makareklamo ro pumueoyo partikular ro pag-abuso it mga militar.
Inde suno kana malipatan raya nga kasaysayan apang naka move-on eon ro mga Pilipino.
Naging bulok man ro sistema sa kato nga tyempo apang sa makaron nga ro mismong onga nana nga si Pangueong Ferdinand Marcos Jr. ro lider it nasyon hay nagakadapat eamang man raya nga taw-an it tyansa.
Raya hay bangud sa overwhelming nana nga pagdaog ko nagtaliwan nga eleksyon nga ginsaligan imaw it minilyon katawo sa sueod it an-om nga dag-on sa anang termino.
