Ginkumpirma it UEFA ro football governing body it Europe nga owa nanda gin-eakip ro Russia sa andang draw para sa Euro 2024 men’s qualifying
Suno sa UEFA nga ro nasambit nga desiyon hay resulta it ginhimung pilang adlaw nga pagpueong it mga executive committee it UEFA.
Sambilog sa naging rason nanda hay ro ginhimu nga pagsukob it Russia sa Ukraine.
Bangud kara hay bukon eon it kaibahan ro pangaean it nasyong Russia sa drawlot it UEFA European Football Championship 2022-2024 qualifying draw.
Ginpatigayon ro pagpueong it executive committee sa Hvar, Croatia samtang pagahiwaton ro draw sa Oktubre 9 sa Frankfurt nga ginakaeakipan it 53 national associations.
Samtang, ro Euro 2024 hay pagahiwaton sa Germany umpisa Hunyo 14 hasta Hulyo 14, 2024.
