Nasayuran baea ninyo nga bukon eamang it pangpanami it boses ro euy-a ukon salabat .
Epektibo man raya bilang pangsukoe sa sakit kapareho it dry cough ag sore throat.
Nagapabaskog man raya it immunity it sangka tawo bangud nga naga angkon ro euy-a it volatile oils nga may una nga anti-inflammatory properties nga epektibong pangsukoe sa sakit it ueo, trangkaso, ag maskin sa menstrual pain
Ginapahagan-hagan man kara ro mga ordinaryong sip-on ag nakakabulig agud nga maduea ro respiratory problems nga may kaangtanan sa environmental allergies.
Ginapa-ayos man kara ro pag-ilig it dugo sa bulig it gina angkon kara nga Magnesium, Vitamin C, ag iba pang minerals ag Amino Acids nga nagaresulta sa ulihi sa pagnaba it tiyansang makaangkon it cardiovascular problems.
Ro pag inom it salabat hay may una man nga calming ag healing properties nga nakakabulig agud nga mapaugan ro nababatyagan nga stress it sangka tawo.
Sa simpleng kombinasyon it euy-a, mainit nga tubi, honey ukon asukar, ag calamansi, maabu ka nga mabo-oe nga benepisyo nga epektibong pangsukoe sa paeag it COVID-19.
