Indi mapunggan it SIM card registration bill ro pag-eapnaag it mga text scam sa nasyon ag mas igabutang pa sa peligro ro kinamatarong mga Pilipino sa privacy.
Raya ro gin-insister ni Assistant Minority Leader ag Gabriela Partylist Representative Arlene Brosas matapos ratipikahan it Kamara ro bicameral reports sa Sim Card Registration Bill.
Ginpahayag man it Makabayan bloc lawmaker nga ro nasambit nga development hay makabig nga serious threat sa poor status ro data privacy and communication sa nasyon.
Suno pa kay Brosas nga ro SIM card registration bill, nga sa makaron hay igapadaea eon sa Office of the President para pirmahan, hay nagaguwa nga tanan nga Pilipino hay ginakabig nga mga potensyal nga kriminal ag nagalikaw sa laye mag-euwas kung nakarehistro ro mga may buyot it SIM card.
Owa man sigon it kasiguraduhan nga kung ginparehistro ro tanan nandang SIM card hay matapna eon ro mga spam message ag trolls bangud sa realidad, may mga mabahoe sigon nga idibidwal ro nagapanipueos kara.
Dapat sigon nga unahon it gobyerno aga ayuson ro pagpatuman it presenteng data privacy measures.
Panawagan ni Brosas sa administrasyong Marcos Jr. nga i-veto ro proposisyong laye ag iduso ro kinamatarong it mga Pilipino sa komunikasyon.
