Naglunsar it ginapatihan nga ballistic missles ro North Korea sa nasyong Japan samtang nakatutok ro atensyon it international community sa giyera it Ukraine ag Russia.
Suno kay Bombo International Correspondent Josel Palma it Japan nga grabeng kabaeaka ro nabatyagan it mga residente sa bahin it Northern Japan sa peligro nga daea it ballistic missle nga ginlusar it North Korea.
Nasayuran nga raya ro pinakamaeayo nga naabot it sangka North Korean test missle kung siin umabot sa 4,600km.
Raya ro pinakaunang kahigayunan nga naglunsar uman it missle ro North Korea sa Japan makataliwan ro limang dago-on.
Samtang, mag-euwas sa pagpaandam ag pagpatigayon it missle warning sa nasambit nga lugar, ginsuspendi man ro mga train services.
Bilang responde sa ginhimu it North Korea nagpatigayon man ro Japan it bombing drills.
Sa pihak nga parte ginkondena man it South Korea ag US ro ginhimu nga delikadong ballistic missle test it North Korea
