KALIBO, Aklan—Posibleng magtaas pa ro panueoktan sa kuryente it mga power distribution company sa Pilipinas sa mga masunod nga buean.
Raya ro pagpati ni Bombo International Correspondent Denmark Suede it Sydney, Australia engkaso nga magpadayun ro paghina it piso kontra dolyar.
Suno kana, 42 porsyento it power generation it nasyon hay base sa coal kung siin kaabuan sa suplay kara hay halin sa Australia ag Indonesia.
Ko nagtaliwan nga dag-on suno kana hay $100 eamang ro presyo it coal per ton apang makaron hay naga-abot eon raya sa $400 per ton.
Ro problema sigon hay ro mataas nga demand ag sangkiri nga suplay.
Sambilog pa sa nakaapekto sa pagtaas it presyo kara sa international market hay ro nagapadayun nga giyera sa tunga it Russia ag Ukraine.
Nasayuran nga ro Russia ro pangatlo sa pinakamabahoe nga exporter it coal sa bilog nga kalibutan.
