Para mapaugan ro pagbayad it mga taxes, ginapatuman makaron it Aklan Provincial Treasurer’s Office ro pagbayad pinaagi sa online.
Ginpaathag ni Mr. Bernardino Villaruel nga raya hay sangka programa it gobyerno nasyunal kon siin anda man raya nga gin-adapt iya sa lokal.
Tuyo kara nga inde mabudlayan ro mga taxpayers eabi eon sa makaron nga panyempo nga una gihapon ro nasyon sa tunga it pandemya.
Mag-eowas kara, makatipid sigon sanda sa oras ag bukon eon it hassle nga magbyahe pa it maeayo para mabayaran ro andang mga obligasyon.
Sa pihak nga parte, ginkasubo ni Villaruel nga mahina ro naging response it tawo halin kat ginlunsar nanda ro program ko buean it setyembre.
Suno kana, posible nga uwa pa it pambayad ro mga tawo andang buwis ukon kueang sa information dissimination angot sa nasambit nga programa.
