Patay ro sangka eaeaki matapos nga bumangga ro ginamanehar nga motorsiklo sa sangka tricycle sa may boundary it brgy. Tigayon ag Linabuan sa banwa it Kalibo.
Nakilaea ro biktima kay Roderick Rebanio, 26-anyos ag ro anang ingkampod nga kay Jundel Rebanio, 20-anyos nga angkas sa nasambit nga motorsiklo.
Sandig sa ginpatigayon nga imbestigasyon it Kalibo PNP, pauli eon ro daywa maghalin sa sangka bar sa banwa it Kalibo ag pag-abot sa nasambit nga lugar hay sangka tricyle ro gulping nagliko rason nga dumiretso ag bumanggo ro mga biktima.
Gilayon man nga gindaea sa Provincial Hospital ro mga biktima apang samtang nagapaidaeom sa nagakaigo nga pagbueong hay ginbawian ro driver nga si Roderick it anang hueam nga kinabuhi matapos maka-angkon it grabe nga lastro sa anang kaeawasan bangud man sa mabaskog nga impact it pagkabunggo.
Sa makaron, nagapabilin man si Jundel sa nasambit nga ospital para sa nagakaigong pagbueong.
