-- ADVERTISEMENT --
KALIBO, Aklan–Ginpasiguro it Metro Kalibo Water District nga pagataw-an nanda it atensyon ro gindihon nga resolution it Sangguniang Bayan angot sa request kara nga mataw-an it malimpyo ag pwedeng mainom nga suplay it tubi ro Sitio Baybay, Brgy. Andagao, Kalibo.
Suno kay Frederick Buenavidez, tagapaghambae it MKWD, sa oras nga mabaton nanda ro resolution hay magapatigayun sanda it survey sa lugar para makita kung raya hay barangay ukon private road.
Kinahang-ean sigon nga mausisa anay nanda ro lugar kamana man nga ginakinahang-ean nanda nga magpangayo it easement of right of way antes magbutang it linya it tubi.
