KALIBO, Aklan—Personal nga nagbisita ag nakipag-istorya si Department of Foreign Affairs (DFA) Undersecretary Eduardo Dela Vega sa mga Filipino community sa Espanya.
Suno kay Bombo International Correspondent Maria Edzel Lamparero Lopez it Madrid, Spain nga eubos ro kalipay it mga Pinoy matapos ro pagbisita it DFA undersecretary.
Raya suno kana ro unang kahigayunan nga nagbisita si Dela Vega kung siin gintinguhaan kara nga maabot ro mga maeayo nga lugar.
Kadungan kara, nagpaabot sigon ro mga Filipino leader it andang problema partikular ro pagtaas it numero it mga Pinoy nga nagatinir sa kalye eabi eon ro owa it trabaho kamana man ro mga pamatan-on nga high school graduate nga indi kantigo it Spanish language rason nga gustong pabalikon it daywang dag-on it gobyerno ag ro mga Pinoy nga gustong magpa-dual citizen apang may problema sa pilang dokumento.
Ginpasiguro man sigon ni dela Vega nga pagataw-an it atensyon ro ginpaabot nga concern it mga Filipino.
