Sangka photographer halin sa Lithuania ro nagdaog sa international photography competition bangud sa tumaeagsahon nga close-up shot nana sa itsura it sangka tagasaw.
Gamit ro highly magnified nga litrato it tagasaw, ginsumite raya bilang entry it wildlife photographer nga si Eugenijus Kavaliauskas sa 2022 Nikon small World Photomicrography Competition.
Ginakilaea it nasambit nga kompetisyon ro art it microscope photography ag ginapakita kara sa mga tawo ro mga maisot nga detalye sa environment nga indi makita kon gamit eamang ro “naked eye”.
Ro entry ni Kavaliauskas hay sambilog sa 57 nga litrato nga nagpasakop ag raya ro nataw-an it award nga “Images of Distinction”.
Ro close-up shot it tagasaw hay naboe-an ni Kavaliauskas sa bulig it microscope.
Limang beses gin-magnify it photographer ro tagasaw agud nga mabo-oe nana ro tamang detalye it itsura kara.
Nag-viral ro winning entry ni Kavaliauskas sa mga social media sites ag kaabuan sa mga reaksyon it netizens hay magkahalong pagdayaw ag pagkakibot sa maeapitan nga itsura it tagasaw.
