Nag-augment ro Philippine Coast Guard Caticlan sa banwa it Numancia.
Raya hay kasunod it request it ibang law enforcement agency bangud sa nakit-an nga maabong stranded matapos nga nag-eapaw ro tubi-baha sa karsada.
Suno kay Dominador Salvino, Deputy Station Commander for Operations it Coast Guard Aklan, ginkinahang-ean sigon ro andang bulig bangud nga maabo ro nagakinahang-ean it rescue matapos nga inde eon katabok ro mga saeakyan matapos nga nagtaas it gulpi ro tubi.
Nauna eon nga ginpaidaeom sa red alert status hasta sa green alert status ro bilog nga probinsya it Aklan bangud sa maeapnagon nga pagbaha
Pilang kabaeayan ro naanod ag nahalitan it baha kon siin ro mga residente hay nagpataliwan it sang gabie sa mga natungdan nga evacuation centers.
