Sangka eaeaking American ro gindakop sa Munich Airport matapos makakita ro airport security it buhi nga Albino alligator sa sueod it anang suitcase.
Magasakay it eroplano paagto sa Singapore ro Amerikano kat makitaan ro anang suitcase it makadueudang bagay sa X-ray machine sa security checkpoint it nasambit nga paeuparan.
Kat gin inspection it customs officials ro anang suitcase, nakita ro three-foot-long alligator nga nakaputos ro bilog nga eawas sa cling wrap ag duct tape.
Ro mga buho eamang it ilong it buaya ro owa it putos nga plastic agud nga raya hay makaginhawa.
Bangud sa pamaagi it pagputos sa buaya, sa kritikal raya nga kondisyon kat mabo-oe it customs officials.
Owa ginpangaeanan it mga awtoridad ro Amerikano ag ro impormasyon eamang nga ginpaguwa nanda sa media hay 42 years old raya.
Matapos i-detained, ginkumpiska ro anang cell phone ag ginpamulta it five-digit security deposit.
Owa pa it kumpirmasyon ro mga awtoridad kun smuggling attempt ro gin-obra it Amerikano bangud nga presenteng sa legal proceedings ag criminal investigation pa ro kaso.
Sa makaron, maayos eon ro ikamayad nga eawas it Albino alligator ag gina-usuyan eon raya it animal sanctuary kun siin raya maayos nga maalagaan.
