Ginakondina it Philippine Multi-Media Press Cor Inc. ro kamatayon it batikang brodkaster nga si Percy Lapid.
Suno kay Joseph Punay, presidente it nasambit nga asosasyon nga bilang tagawaragwarag hay puro kamatuoran eamang ro ginapahayag sa kahanginan.
Apang, may mga tawo nga pilit kang ginaduea sa ibabaw it kalibutan.
Angot kara, mas pang pagapabaskugon ro Provincial Multi Press Cor Inc. nga ginabilog it nagkaeain-eain nga asosasyon sa bilog nga probinsya it Aklan para i-promote ro welfare it mga broadcaster ag journalist, protection ag right of press freedom.
Nakipagbahin man si Punay sa kasubo nga nabatyagan makaron it pamilya ni Percival Mabasa sa minatuod nga kabuhi kon siin suod nanda nga amigo si Percy ag ro igmanghod kara nga si Roy Mabasa.
Ginpaboran man kara ro hambae ni Mr. Johnny Dayang nga nagahueag ro justice system sa Pilipinas matapos nga gintumod ro mga nagapangunang suspek sa kamatayon it batikang brodkaster partikular sanday suspended BuCor Director General Gerald Bantag ag Senior Superintendent Ricardo Zulueta bilang utok sigon sa likod it krimen.
