Uman nga nagpadumdom si Pangueong Ferdinand Marcos Jr. sa ginapangatubang nga hangkat sa Asia-Pacific region sa isyu it food security, isyu it ikamayad nga eawas ag climate change.
Sa naging pagtambong ni Pangueong Marcos sa APEC CEO summit, umapela raya sa kapwa mga lider nga pabaskugon pa ro ang kooperasyon sa rehiyon para masabat ro structural ag policy issues sa mga nasambit nga sitwasyon para malikawan ro problema.
Suno sa pangueo, kinahangean magbuylog ro tanan nga gobyerno sa Asia-Pacific region para mas mapadasig ro pag-umwad it mga ekonomiya it mga nasyon sa pamaagi it pagbilog it mas maabong trabaho, buhinan ro antas it kapobrehan ag pagbaskugon ro pagkapaeariho it tanan.
Gintaw-an man it punto ni Pangueong Marcos nga nagakinahangean it pagtutok ro seguridad sa pagkaon, global health system ag climate change.
Gin-insister it pangueo nga dapat prioridad it tanan nga gobyerno ro sangka flexible nga mga laye para masiguro nga mapataas ro domestic food productions ag mapakamayad ro local agricultural supply ag value chain.
Ginpahayag dugang pa it punong ehekutibo ro pagkinahangean it mas mabaskog ag mapag-on nga tikang para masukean ro epekto it climate change.
