Nagapadayon ro prestihiyosong hampang it FIFA World Cup 2022 sa Qatar kon siin makit-an nga determinado ro kada koponan nga magapangibabaw sa rangkings para sa pagkuhit it tropeyo.
Suno kay Bombo International Correspondent Felmer Villar, sa mga nauna eon nga naghampang hay makit-an nga may ikabuga ro kada players ag may solid nga diskarte ro kada koponan.
Ginpahayag dugang nga inde maduea sa hampang nga may makaangkon it injury apang uwa raya naging sab-eag sa kada player para ipahuya ro andang koponan.
Matapos nga makapahuway it makadali hay gilayon sanda nga nagabalik sa hampang ag uwa pa it nailistang player nga nakaangkon it major injuries.
Nagkaeain-eain nga stadium ro ginahampangan kon siin inde basta-basta makapaeapit sa venue of games kon uwa ka it importante nga transaction ukon uwa ka it ticket nga maipakita nga sambilog ka sa mga tumaean-aw.
Masyadong strikto ro security sa palibot ag mataeopangdan nga maabong nga negosyo ro nabuhi sa nasambit nga nasyon.
Ro FIFA World Cup tournament hay magabuhay hasta sa Disyembre 18,2022.
