Nakumpiska ro kapin sa masobra 1,000 sako it puting sibuyas maghait ginpatigayon nga raid it Bureau of Plant Industry (BPI), Bureau of Customs, ag Department of Agriculture sa storage facility sa Sto. Cristo Street.
Suno kay BPI Project assistant ag team leader Melvin Banagbana, ginmonitor eon nanda ro nasamabit nga unit sa sueod it sang buean.
Posibleng ro mga nakumpiskang sibuyas hay hoarded para igamanipula ro market price.
Ro mga smuggled sigon nga produkto hay nagaguwa sa tyempo it grabeng kakueangan it suplay bangud sa mabakae sa merkado eabi eon makaron nga holiday season nga gina-timing ro iligal nga aktibidad bangud kinahangean gid ro sibuyas para sa mga handa.
Gindaea eon man ro mga nakumpiskang mga sibuyas sa warehouse it BPI.
Nagpaandam man ro opisyal sa posibleng peligro sa ikamayad nga eawas it puting sibuyas nga owa it phytosanitary permit nga apisar nga ginabaligya sa barato nga haega hay posibleng may una karang nakahalong chemicals rason nga bukon it eowas nga kan-on.
Ginpahayag dugang pa kara nga ro pagbakae it smuggled goods hay nagapagrabe sa kalbaryo it mga mangungumang Pilipino.
