Ginpaidaoem sa autopsy ro kapin sa 8 pang unclaimed remains ukon mga bangkay it inmates nga namatay sa New Bilibid Prison (NBP) sa Muntinlupa city.
Nagtao eon it direktiba ro Department of justice sa mga awtoridad it Bureu of Corrections (BuCor) angot kara.
Suno sa Corrections Technical Senior Superintendent Ma. Cecilia Villanueva, kapin sa 42 nga bangkay it inmates/
Maghalin sa Bilibid ro presenteng nakapending sa Eastern Funeral Services sa alabang sa Muntinlupa city.
Ginpahayag man it opisyal nga si Forensic pathologist Dr. Raquel Fortun ro pagpatigayon it autopsy hay pagaeauman nga paga-umisahan sa masunod nga Dominggo.
Ginaproseso pa sa makaron ro mga kinahangeanon nga papeles ag sa masunod nga dominggo hay igapadaea sa UP Philippine Geeral Hospital para sa otopsiya.
Una eon nga ginpahayag ni Villanueva nga kapin sa 39 nga bangkay it inmates ro na-autopsy 48 oras matapos mamatay.
Sandig sa resulta, nagaguwa nga ro natural death ro gintunaan it kamatayon it nasambit nga mga inmate.
Samtang, naeubong eon man ro sambilog sa 70 unclaimed remains nga sangka japanese national sa sementeryo it NBP ko Biyernes.
